Po dėdėliū švėntiu, ka žmuonieliu kūnā pārsėsuotėnė vėsuokiausiū skaniēsiu, ne kažė kou ė banustebinsi struovu mondrystiem. Vielēk siūlytiuo naujū mētu večere ėsėkeptė nomēnė mėilėnė pirāga.
Tamstuoms rēks:
šīmtgrami sokra;
mėltu kėluograma;
mėiliū 20gr.;
droskas žiopsneli (kėik ēt pajimte so trimis pėrštās);
pėina kuoki poslitēri (tik ne tuo, kor krautovie, vo tēkra nomēnė karvės pėina). Jēgut miestiuonis ēsat, tumet prisēs ētė ī torgu.
Pasėkaitintė pėina, diekėt sokra ėr droska, ontmeskėt mėltu – nujau na vėsus. Tumet ont mėiliū rēk ožbertė sokraus ėr išsoktė, pakol išsėlēs. Toukart sopėltė ton skynstėma ont tešluos ėr truopnē somaišitė. Apkluostitė ėr padietė, ka parūgtom kuoki posadīni. Toukart sokratytė lėkosius mėltus ėr ožminkītė tēšla. Jegut maž mėltu, gal kuokė saujė, ontra dabā ondietė. Je pasėtaikė tēp, ka vėriet kuošėna, tumet nugrēbkėt nu vėršaus tus taukelius ė sominkīkėt ī tūn pīraga. Paviērikiet, nieka nepagadinsėt, vo tik paskaninsėt.
Ka jau tešla išrūgs, sokratykiet anou ī blieka ė dabā parauginkiet, pakol ikais kuokle ligut 220 laipsnium. Vo keptė rēks vēsa adīna.
Iškeposi pīrāga aptepkėt saldiu ondėniu. Po puoruos adīnu galėt rēiktė drūkta abrāka, teptė nomėni svėista ė kaštavuotė.
Vida VISKONTIENĖ

 458,953 peržiūrų (-a)

85% LikesVS
15% Dislikes